ЦРТАЈ СО ПРИРОДНИ БОИЧКИ

ПРИРОДНИ БОИЧКИ

Кога бев дете, со зелени сочни тревки цртавме на асфалтот пред зградата, а потоа и на бели листови хартија. Цртавме и со  јагленчиња, со црвени камчиња, со делчиња од скршени ќерамиди и парченца бела креда од останат градежен материјал. Многу ми беше интересно да ја истражувам околината за да најдам нови природни боички. 

Дали знаеш дека во минатото користеле пигменти од природата за бојадисување на куќи и ѕидови, за сликање на нив, за уметнички слики?... Во почетокот немало каде да се купат бои, не се произведувале.

Бојата ја добивале од листови, тревки, од цветови, разни видови почва, руда, камења... 

Со дробење глина и нејзино мешање со вода добивале црвени нијанси. 

Првата бела боја за сликање замислете била многу отровна. 

На Клеаоптра, најомилена боја и била модро розевата. Ја добивале од ретки школки и била многу скапоцена.

Најскапа и најретка боја била сината. Ја добивале од редок камен кој постоел само на неколку места во светот.

Ајде да експериментираме на оваа тема.

 Собери разни ливчиња, тревки и цветови за време на прошетката во пророда. 

Обиди се да нацрташ нешто на лист хартија, или на асфалтот. Користи метална лажичка за стискање на тревките. Ќе забележиш дека сокот од тревките обојува. 

Земи изладени јагленчиња од скарата и цртај со јагленосаните дрвца. 

Штом ќе најдеш глина во природата, обиди се да боиш со неа. Стави малку вода за да се раствори и да се претвори во водена боичка.

Мислам дека ќе ти биде забавно.